स्याङ्जाका दुईजनामा कोरोना संक्रमण

१३ जेष्ठ २०७७, मंगलवार ०   बिचार / प्रतिक्रिया
29 Shares


भवानी अधिकारी- स्याङ्जा । भारतबाट ४ दिनअघि स्याङजा आएका २ जना युवामा कोरोना संक्रमण देखिएको छ। वालिङस्थित क्वारेन्टाइनमा रहेका उनीहरुको पीसीआर रिपोर्ट पोजिटिभ देखिएको हो ।प्रादेशिक प्रयोगशाला पोखरामा गरिएको नमूना स्वाब परीक्षणबाट २० र २९ वर्षका युवामा कोरोना संक्रमण देखिएको स्वास्थ्य कार्यालयले जनाएको छ । जेष्ठ १० गते भारतको गाजियावादबाट ९ जना आएका थिए । गाजियावाददेखि गोरखपुरसम्म रेलमा, त्यसपछि सुनवलसम्म ट्रकमा र सुनवलबाट वालिङसम्म जीपमा आएको बताइएको छ ।शनिबार बिहान ३ बजे वालिङपछि उनीहरु क्वारेन्टाइनमा बसेका थिए ।

उनीहरु ९ सहित क्वारेन्टाइनमा रहेका अन्य २० जनाको पीसीआर टेष्टका लागि सोमबार पोखरा पठाएको थियो ।मंगबार आएका रिपोर्टमा २ जनामा पोजिटिभ र अन्य १८ को रिपोर्ट नेगेटिभ देखिएको छ ।कोरोना संक्रमण भएका दुबैलाई जिल्ला अस्पताल स्याङ्जाको आइसोलेसन कक्षमा राखिएको जिल्ला अस्पतालका प्रमुख डा। शुशिल मरासीनीले जानकारी दिए ।दुबैको अवस्था सामान्य रहेको र चिकित्सकको प्रत्यक्ष निगरानीमा उनीहरुको उपचार गरिने अस्पतालले जनाएको छ। पछिल्ला दिनहरुमा भारतबाट जिल्ला भित्रिनेको संख्यामा वृद्धि भएको छ ।यसअघि पनि भारतबाट आएका गल्याङ र कालीगण्डकीका एक÷एक जनामा आरडीटी रिपोर्ट पोजिटिभ देखिएको थियो भने पछि पीसीआर रिपोर्ट भने नेगेटिभ देखिएको थियो ।

फेसबुकबाट तपाईको प्रतिक्रिया



ताजा समाचार

  • बुटवल देविनगर मनकामना पथमा आगलागी
  • कोरोनाको प्रभाव कम गर्न संगित सिक्न व्यस्त छन् स्याङ्जाका बिद्यार्थी…
  • नवलपरासीमा लागुपदार्थ विरुद्ध सरोकारवालासँग अन्तरक्रिया कार्यक्रम सम्पन्न
  • लियो क्लव अफ कञ्चनको प्रशिक्षण
  • मैत्रिपुर्ण ब्याडमिन्टन प्रतियोगीतामा मनिश र शेर बहादुरको टिम विजयी
  • उपभोक्ता समिति गठन तथा योजना संचालन सम्वन्धि अभिमुखीकरण
  • संविधान दिवस र कार्यान्वयनको अवस्था
  • मुख्य मन्त्रि शंकर पोख्रेलद्धारा  कुलपानी क्षेत्रको अवलोकन
  • कोरोनाका कारण बर्दघाट नगरपालिकामा अत्यावस्यक बाहेकका सम्पुर्ण सेवा बन्द
  • गल्याङ नगरपालिकाको विकासका लागि बृहत गुरुयोजनाको तयारी