चिनियाँ राष्ट्रपतिले सेनालाई भने युद्धका लागि तयार रहनू

१४ जेष्ठ २०७७, बुधबार ०   बिचार / प्रतिक्रिया


एजेन्सी, १४ जेठ । चीनका राष्ट्रपति सी चिनफिङले सेनालाई युद्धका लागि तयार रहन आदेश दिएका छन् । जिनपिङले मंगलबार सेनाका लागि एक आदेश जारी गर्दै पूरा दृढताका साथ देशको सम्प्रभुताको रक्षा गर्न भनेका छन् । चिनफिङले यो आदेश संसद सत्रको क्रममा पिपल्स लिबरेशन आर्मी पीएलए र पिपल्स आर्म्ड पुलिस फोर्सको प्रतिनिधिको पूर्ण बैठकमा भाग लिने बेला दिएका हुन् । चिनियाँ कम्युनिष्ट पार्टी सिपिसी का महासचिव तथा करिब २० लाख सैनिकका सेना प्रमुख ६६ वर्षीयचिनफिङले सीमामा तनाव बढिरहेको र थुप्रै देश मिलेर चीनलाई निशाना बनाउन तयारी गरिरहेकोले सेनाले खराब स्थितीका लागि तयार रहनुपर्ने बताएका छन् ।

चिनफिङको भनाई उद्धृत गर्दै समाचार एजेन्सी सिन्ह्वाले भनेको छ सेनाले सबैभन्दा खराब स्थितीको कल्पना गरेर, त्यसबारे सोचेर युद्धका लागि आफ्नो तयारी र प्रशिक्षणलाई बढाउनुपर्छ र विभिन्न जटिल परिस्थितीसँग तुरुन्त र प्रभावकारी तरिकाले जुध्नुपर्छ । साथै, पूरा दृढताका साथ राष्ट्रिय सम्प्रभुता, सुरक्षा र विकास सम्बन्धि हितको रक्षा गर्नुपर्छ ।’ चिनफिङको यो टिप्पणी लद्दाखमा भारत र चीनबीच करिब २० दिनदेखि जारी गतिरोधको पृष्ठभूमिमा आएको हो ।@news24

फेसबुकबाट तपाईको प्रतिक्रिया