फेसबुक संस्थापक जुकरबर्गले दुई महिनामै कमाए ३० अर्ब डलर

१७ जेष्ठ २०७७, शनिबार ०   बिचार / प्रतिक्रिया
0 Shares


कोरोना भाइरसको महामारी विश्वव्यापी रूपमा फैलिँदा गत मार्च मध्यदेखि विश्वको अर्थतन्त्र नराम्रोसँग प्रभावित भइरहेको छ । अर्थतन्त्रका सबैजसो क्षेत्र तथा उद्योगहरूमा गम्भीर नकारात्मक असर परिरहेको छ । तर यो महामारी कतिपय अर्बपतिहरूका लागि भने निकै फापेको छ । महामारीका बेला अभूतपूर्व रूपमा अर्बौं कमाउनेमा फेसबुक संस्थापक मार्क जुकरबर्ग पनि परेका छन् ।समाचार अनुसार, फेसबुक संस्थापक तथा सीईओ जुकरबर्गले पछिल्लो २ महिनामा मात्रै आफ्नो कूल सम्पत्तिमा ३० अर्ब डलरले वृद्धि गर्न सफल भएका छन् । ब्लुम्बर्ग अर्बपति सूचकांकअनुसार, मार्चको मध्यताका जुकरबर्गको कूल सम्पत्ति ५७ अर्ब ५० करोड डलर थियो । अहिले उनको सम्पत्ति बढेर ८७ अर्ब ५० करोड डलर पुगेको छ ।

योसँगै जुकरबर्ग विश्वका सर्वाधिक धनी मान्छेको सूचीमा तेस्रो स्थानमा उक्लिन सफल भएका छन् । जुकरबर्गभन्दा अगाडि अब अमेजन मालिक जेफ बेजोस र माइक्रोसफ्ट संस्थापक बिल गेट्समात्र छन् । बिल गेट्सको सम्पत्ति १ खर्ब ८ अर्ब डलर छ भने बेजोसको सम्पत्ति १ खर्ब ४७ अर्ब डलर रहेको छ ।जुकरबर्गको सम्पत्तिमा व्यापक वृद्धि हुनुमा फेसबुक कम्पनीको शेयर मूल्यमा भएको उल्लेख्य वृद्धि प्रमुख कारण हो । सीएनबीसीको हालैको एक रिपोर्ट अनुसार, फेसबुकको शेयर मूल्यमा किर्तिमानी बढोत्तरी हुँदै हालै प्रतिशेयर मूल्य २३० डलर ७५ सेन्ट पुग्यो । फेसबुकले केही दिनअघि सपिङ प्लाटफर्म सार्वजनिक गरेसँगै कम्पनीको शेयर मूल्यमा उछाल आएको हो ।

महामारीका बीच करोडौं मानिसहरु घरभित्रै बस्न बाध्य भइरहेका बेला फेसबुकले पछिल्लो समय एकपछि अर्को नयाँ फिचर थप गरिरहेको छ जुन प्रयोगकर्ताहरूले निकै रुचाएका पनि छन् । जसमध्ये भिडियो कन्फ्रेन्सिङका लागि मेसेन्जर रुम्स निकै लोकप्रिय बनिरहेको छ र अर्को भिडियो कन्फ्रेन्सिङ एप जुमलाई टक्कर दिइरहेको छ ।@ एजेन्सी – अनलाईनखवरवाट साभार

फेसबुकबाट तपाईको प्रतिक्रिया



ताजा समाचार

  • गुल्मीको राताडांडामा पहीरो जादा २ जना बेपत्ता
  • आधिकारिक ट्रेड युनियनको निर्वाचन गर्न नदिने सरकारको निर्णय
  • भोलिदेखि साझा यातायातले लामो दूरीका गाडी सञ्चालन गर्ने
  • नेकपा सचिवालय बैठकअघि बालुवाटारमा मन्त्रिपरिषद् बैठक
  • निर्माणाधीन गौतमबुद्ध अन्तर्राष्ट्रिय विमानस्थलको दोश्रो टर्मिनल भवन निर्माण सुरु
  • आजबाट रा.वा. बैंकको सनराइज क्यापिटलमा रहेको सवा ४ लाख कित्ता…
  • समृद्धि फाइनान्सको २००% हकप्रद असोज १६ बाट निष्कासन हुने, कहिलेसम्मका…
  • सहकारीमा पनि घट्ने भयो ब्याजदर, यस्तो छ नयाँ व्यवस्था
  • समीट र सजिलो लघुवित्तको एकीकृत कारोबार आजदेखि, साढे ३९ करोड…
  • बिपि बिचार राष्ट्रिय समाज रुपन्देहीको कार्यसमिति बिस्तार, सदस्यमा पोखरेल मनोनित