नेविसंघमा ३२ वर्षे उमेरहदले काँग्रेस शिर्ष तहमा चरम विवाद

नेपाली काँग्रेसको शत्तिसाली भ्रातृ संस्था नेविसंघमा ३२ वर्ष उमेर हद तोके पछि काँग्रेसको शिर्ष तहमा विवाद चुलिएको मात्र हैन शिर्ष नेताहरु समेत विभाजित भएका छन् र आगामी पार्टीको महासमिति बैठक समेत प्रभावित हुने देखिन्छ । पार्टी केन्द्रीय समितिको बहुमतको आधारमा त्यो पनि मध्य राति पेलेर नेविसंघमा ३२ वर्ष उमेर हद तोकेका थिए । तत्कालै बरिष्ठ नेता रामचन्द्र पौडेल, नेताहरु कृष्ण सिटौला, प्रकाशमान सिंह, अर्जुननरसिंह केसीले नोट अफ डिसेण्ट लेखेका थिए । पार्टी सभापति शेर बहादुर देउवाको यो निर्णयसँगै नेविसंघको महाधिवेशनको सम्भावना टरेको छ । वर्तमान नेविसंघ केन्द्रीय समितिले सर्वसहमत रुपमा विधान पारित गरेको थियो । नेविसंघ हेर्ने प्रकाशशरण महत संयोजक रहेको पार्टीको निर्देशन समितिले नेविसंघको केन्द्रीय समितिले पास गरेको विधान खारेज गरि ३२ वर्ष उमेर हद लाग्ने सहितको आफ्नो विधान पेश गरेको थियो । नेविसंघको केन्द्रीय समितिले पास गरेको विधान काँग्रेस केन्द्रीय सदस्यहरुलाई अध्ययन गर्न नदिई एकतर्फि रुपमा आफ्नो विधान पास गरेका थिए । नेविसंघको महाधिवेशनमा आफ्नो पक्ष पराजित हुने निश्चित भए पछि देउवाले यस्तो निर्णय गरेका थिए । पछिल्लो समय पार्टीको भ्रातृ संगठनमा आफ्नो पकड गुमाउदै गए पछि नेविसंघमा उमेर हद लगाएका हुन् । अब नेविसंघमा तदर्थ समिति गठन गर्ने तयारी रहेको श्रोत वताएको छ । नेविसंघको महाधिवेशन पत्येक दुई वर्षमा हुनु पर्नेमा वर्तमान केन्द्रीय अध्यक्ष नैनसिंह महरले महाधिवेशनको प्रारम्भ नै नगरेकाले पार्टीले महाधिवेशनको लागि भन्दै थप तीन महिना म्याद थप गरेको थियो । अध्यक्ष महरले कार्तिक १६, १७ र १८ गते काठमाडौंमा महाधिवेशन गर्ने भनि मिति तोकेका थिए तर त्यो समय पनि महाधिवेशनको प्रारम्भ नै नगरि समय गुजारे र विजयकुमार गच्छदार समुहलाई मिलाउने भनि पन्ध्र जना विधान विपरित मनोनित गरेर राजनीतिक सहमतिको वातावरण र महाधिवेशनको वातावरण विगारे । महाधिवेशन गर्न थपिएको तीन महिना म्याद आगामी मंसिर दुई गते सकिदैछ । विधानमा व्यवस्था भए बमोजिम आगामी मंसिर दुई गतेबाट यो नेविसंघ केन्द्रीय समिति स्वतः भंग भई नयाँ तदर्थ समिति बन्नेछ । नेविसंघमा उमेर हद लागेसँगै हजारौं नेविसंघका नेताहरुले आगामी महाधिवेशनमा प्रतिष्पर्धा गर्न पाउने छैनन् । उमेर हद लागेसँगै आक्रोशित रुपमा बा¥हौं महाधिवेशनका अध्यक्षका प्रत्याशि मोतिलाल भण्डारीले लोकतान्त्रिक पार्टीमा उमेर लगाएर पार्टीले अलोकतान्त्रिक चरित्र प्रदर्शन ग¥यो, अब आन्तरिक लोकतन्त्रको लागि लड्छौ, हामीलाई उमेर हद लगाएर ठेगान लगाउनेहरुलाई पछुतो हुने गरि यिनीहरुलाई पार्टी महाधिवेशनमा ठेगान लगाउछौं, सांसद, मन्त्री तपाई नै हुनुहोस् पार्टीबाट प्राप्त हुने अवसरका पदहरुमा नियुक्तीमा तपाई र तपाइको परिवार र खानदान बनाउनुहोस् तर संगठन गर्ने जिम्मा हामीलाई दिनुहोस् भनेर याचना गर्दा समेत मध्यराति त्यो पनि बहुमतको बलमा हामीलाई बञ्चित गरिएको छ यो अन्यायपूर्ण व्यवहारले किमार्थ पार्टी वलियो हुदैन अन्यायको विरुद्ध सशक्त रुपमा उत्रिन्छौ । नेविसंघको बाहौं महाधिवेशनमा अध्यक्षमा देउवा पक्षबाट सरोज थापा, आनन्द त्रिपाठी त्यसै गरि पौडेल पक्षबाट मोतिलाल भण्डारी, दीपक भट्टराई, हिमालदत्त श्रेष्ठ र सिटौला पक्षबाट कुन्दन काफ्ले, युवराज पाण्डेको दावी रहेको छ